२०६६ साल » चैत्र महिना » कन्या राशी
टो प पी पु ष ण ठ पे मो
यस महिनामा सूर्यले तपाईको जन्मराशिको बाह्रौ स्थानमा भ्रमण गर्दै हुनाले अधिक मात्रामा खर्च होला । स्वास्थ्यमा बाधा पर्ला । मित्रसँग कलहको सम्भावना छ । ज्वरोको असर पर्ला । आर्थिक संकटको सामना गर्नुपर्ला । भाग्य कमजोर रहला । भाइबन्धुमा सम्बन्ध साधारण रहला ।मंगल ग्रह जन्मराशिका जानाले व्यवसायमा बाधा अड्चन आउला । काम गर्ने उत्साहमा कमी होला । साथीभाइको भनाइ खानुपर्ला, शोक, सन्ताप, आत्मीजनसँग विछोड हुनसक्ला । रक्तदोषको कारण बिरामी परिएला । दुर्जनबाट कष्ट होला । व्यवसाय, नोकरी आदिमा अधिक परिश्रम गर्नुपर्ला । उत्साह बढाउनाले राम्रो हुनेछ ।७ गतेबाट बुध जन्मराशिमा आउनाले तपाईलाइ भय, बन्धन आदि पर्न सक्ला । चुक्ली लाउने र कुरौटेहरुबाट धोका पर्ला । महिलाको गर्भासय, कम्मरमा पीडा होला । औषधिको प्रयोगमा समय र पैसाको खर्च होला । न्यायालयको काममा धोका होला ।शुक्र ग्रह तपाईको जन्मराशिको बाह्रौ स्थानमा भएकाले शुक्रका तर्फबाट सामान्य फल मिल्ला । शत्रु सेलाउलान् । काम गर्ने जाँगरमा फुर्ति आँउला । आंशिक धनको लाभ होला । भोगविलासमा रुचि बढ्ला । दुराचारी बनाँउला । अधिक दौडधुप गर्नुपर्ला । विस्तारै, ढिलो गरि मात्रै काममा सफलता मिल्ला । व्यवसाय पनि ढिलो अगाडि बढ्ला । मानसिक झमेला आइपर्ला । स्वास्थ्यमा केही न केही गडबडी रहला । महिला तथा विद्यार्थीहरुलाई प्रयत्न र परिश्रमबाट सफलता मिल्ला ।
